Domingo Sa Buntag Poem by RIC BASTASA
Domingo Sa Buntag
mikanaog kitang duha
paingon sa suba sa
Kantara
linaw ang panahon
walay kisaw ang hangin
madungog nato ang
awit sa tukmo
duyog sa sulog sa
suba
paingon sa bukana
gihubo nato ang atong mga
sapot unya kay lagi
kita man lang duha dinhing
dapita
mipauraray ka sa dakong
bato
unya ako miduyog kanimo
duyog sa awit sa suba
sa awit sa mga tukmo og
tikarol
gisugdan usab nato
ang awit sa atong
gugma.
This poem has not been translated into any other language yet.
I would like to translate this poem
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
4/17/2024 8:37:54 PM # 1.0.0.1119
