Duha Ka Maskara Poem by RIC BASTASA

Duha Ka Maskara

Duha ang akong gipili
Nga maskara.
Puros puti.

Kaputli. Kahayag. Kagawasan
Alang nako. Gitagoan ko.
Nasayod ko kon kinsa ako.

Giganahan ka. Gihigugma mo
Ang gitagoan ko
Nga kangitngit.

Duha kita nga gamaskara.
Naghalok kita. Nagtandayay
Sa katre. Pipila na ba ka gabii?

Unsa pa bay kapuslanan
Nianang gitawag nila
Nga kamatuoran?

Nagmalipayon kita.
Dili na nato kinahanglan
Ang matuod.

Kadaghan na kana siya
Gipatay sa walay kukalooy.
Hala gaksa ko. Kanang hugot.

COMMENTS OF THE POEM
READ THIS POEM IN OTHER LANGUAGES
RIC BASTASA

RIC BASTASA

Philippines
Close
Error Success