''Ek Akela Patta'' Poem by vijay pathak

Parvat ke samaan nishchal,
dharti ka prakritik stambh.
tha ek vrikch aasman ko lalkarta,
par na bharta kabhi is baat ka dambh.

saikdo tahniya, hazaaron patte.
chidiyon ke ghosle, madhuraaniyon ke chhatte.
badhate the uski shaan,
bade-bade chkrawaat tak na tod paaye uske dariyadil hone ka abhimaan.

Hazaaron me ek patta rahta tha udaas,
khaata rahta tha use tahniyon se bandhe hone ka ahsaas.
woh chahta tha udna anant akash me,
woh aakaash, jo ho kitna bhi bhara par hamesha rahta udne waalon ki talaash me.

Har roz patte girte hain vrikchon se,
kuch sookhe, kuch kamzor.
woh patta to udna chaahta tha,
aur uske haathon me ho uske udaan ki dor.

zor laga ke ek din kisi tarah woh toota,
jaa pahuncha zameen pe uska ghar ab tha chhoota.
hua use tab ''ekta'' ki shakti ka abhaas,
hazaaron kamzor patton ki tarah jaagi uske mann me aas.

thak kar haar gaya waapas jaane ki zidd me,
kisi tarah ghisat-ghisat ke pahuncha mandir-masjid me.
poocha usne bhagwaan se ''aakhir yeh kya bala hai''
hasne ki aawaaz aayi aur kisi ne kaha
''galti teri nahi hai,
woh dekh ek aur patta zameen ki or udne chala hai''.

moral- ekta me hi shakti hai, par agar akelapan pasand hai to
apne akele rahne ke faisle ke prati imaandaar rahen, , aur uden..