1.
ବଙ୍କା ଆଉ ସିଧା,
ଚଉଖୁଟିଆ ଆଉ ଗୋଲ,
ତିନିକୋଣିଆ ଆଉ ଚେପଟା।
ପୁଣି କଳା ଆଉ ଧଳା,
ଲାଲ ଆଉ ଶାଗୁଆ,
ଠିକ୍ ଆଉ ଭୁଲ,
ଏପଟ ସେପଟ।
ସବୁ ଧୂଳି ଧୂସର,
ସବୁ ଆଲୁଅ ସବୁ ଅନ୍ଧାର।
ସବୁ ଜୀବନର ରୂପ,
ସବୁଠି ଜୀବନ,
ସବୁରେ ସେଇ ଏକା ଜୀବନ।
2.
ଦେହ ଉପରେ ଦେହ,
ବର୍ଷ ପରେ ବର୍ଷ।
ମନ ହୃଦୟ ଉପରେ ମନ ହୃଦୟ,
ବର୍ଷ ପରେ ବର୍ଷ।
ଆମର ରହିବା ଆମର ଥିବା
ଆମର ସ୍ୱଇଚ୍ଛା।
3.
କିଏ କାହାକୁ ଜୟ କରେ,
ଜୟ କରେ କେମିତି?
କିଛି ଦେଇ,
କିଛି କହି?
ଦେବା ଆଉ କହିବାରେ ଥାଏ କଣ?
ଥାଉ ନ ଥାଉ ନିଜକୁ ନିଜେ
କିନ୍ତୁ କହି ହୁଏ ତୁ ହାରିଛୁ ହାରିଛୁ।
4.
ରହି ଯାଅ ନି କୋଉଠି,
ରହି ଯାଅ ନି।
ଆଉ ରହୁଛ ଯଦି
ରହି ଯାଅ ଭଲକରି,
ଯେମିତି ତୁମ ଅନୁସାରେ
ସବୁ ଯିବ ବଦଳି
ରଙ୍ଗୀନ ଚିତ୍ର ହୋଇ।
This poem has not been translated into any other language yet.
I would like to translate this poem