Farmer Hadu Of Bargarh ବରଗଡର ଚାଷୀ ହାଡୁ Poem by Gajanan Mishra

ବରଗଡର ଚାଷୀ ହାଡୁ ମଲା,
କାହାର କଣ ଗଲା?
କିଏ କହିଲା-
ସ୍ତ୍ରୀ ସହିତ ଝଗଡା ଥିଲା,
ଆଉ କିଏ କହିଲା-
କିଡନୀ ଫେଲ ଥିଲା.
ମାନିବାକୁ ତୟାର ନ ଥିଲା
ସରକାର ଯେ ବିଗିଡି ଯାଇଥିଲା
ହାଡୁର ଚାଷ ଆଉ
ଜଣା ପଡି ନ ଥିଲା କାହାକୁ,
ଜଣା ପଡିଥିଲେ ଋଣ ଛାଡ
କରି ହୋଇଥାନ୍ତା,
ବିହନ ସାର ଘରକୁ ନେଇ
ରଖି ହୋଇଥାନ୍ତା,
ଭୋକରେ ମରୁଛି ଜାଣିଥିଲେ
ରନ୍ଧା ଭାତ ହାଣ୍ଡିଏ, ଡାଲମା
ବାଲଟିଏ ପଠାଇଦେବାରେ
ନ ଥିଲା ଅସୁବିଧା ।
କିଛି କିନ୍ତୁ ହେଲା ନି କରି,
ଏ ହାଡୁର ଏମିତି କିଆଁ ମରିବାର ଥିଲା?
ଆଉ ଯଦି ଥିଲା ସରକାରକୁ ଏତେ
ହିନସ୍ତାରେ ପକାଇବାର କଣ ଥିଲା?
ସରକାର କଣ କାହାର ଖାଇଥିଲା
କି ପିଇ ଥିଲା କି ନେଇଥିଲା? ?
ସବୁକୁ ଆଣି ସରକାର ମୁଣ୍ଡରେ
ଅଜାଡି ଦେଇ, ନାହିରେ ତେଲ ପକାଇ
ଶୋଇ ପଡିଲେ, ହାଡୁ କଣ
ବଂଚି ଆସିବ? ବୁଝୁ ନାହାନ୍ତି ଲୋକ ।
ସାଇଭାଇ ମିଶି ହାଡୁକୁ
ସାହାଯ୍ୟ କରିଥିଲେ, କଥାଟା ବି
ଆସି ନ ଥାନ୍ତା ଏତେଦୂର ।