ଦୋଷ୍ ମୋର୍ ଆଏ Fault Is With Me Poem by Gajanan Mishra

ଚଟକି ଗଲା ହେଟା,
ଶଲା, ଲିକ୍ ଲିକ୍ ପତଲା କାଚ୍।
ଥିଲାବେଲେ କେତନିକେତେ
ଫୁଟାନି ରଖିଥିଲା।

କହୁଥିଲା ଚିନ୍ତା କିଛି ନେଇଁ କର ହୋ,
ଅଛେଁ ମୁଇଁ, ସଁଭାଲି ନେମି।
ପାରଲା କେଁ ରହି
ଇନ କି ହେନ କି କେନ।

କେଁ କଥା ଦେଇଥିଲ,
କେଁଟା ରଖଲ।
ଆରୁ ହେଲା କେଁ ଜୁଡି
ଶଲା ଭେନେଇ।

ଚଟକି ଗଲା ହେଲା
ସମଧି ସମଧି
ଚଟକି ଗଲା
ଭାଇ ଭାଇ
ଚଟକି ଗଲା
ଶଶୁର ଜୁଏଁ।

ଲିକ୍ ଲିକ୍ ପତଲା କାଚ୍
ହେଟା ଗଲା ଚଟକି,
କେଁଟାକେ ଆରୁ ଫୁଟାନି,
ପବନ ଟିକେ ଫୁସ୍।

ଯା ବେଟା ଯା
ଅଛୁ ଜେନ
ହେନ ଥା ଖୁସ୍।

ନେଇଁ କରି କିଛି କିହେ,
ନେଇଁ ନ ହେବାରଟା
କିଛୁ କ୍ଷତି।
ମାଫ୍ କରିଦେଲିଁ,
ଯା ବେଟା, ଦୋଷ୍ ସବୁ।

ଦୋଷ୍ ମୋର୍ ଆଏ ବୋ
ଦୋଷ୍ ଦେଖୁଛେ ଯିଏ ତୋର,
ଖୁଜୁଛେ ଆରୁ ଆରୁ
କେନ ଅଛେ ଆରୁ କେଁ କେଁଟା।

ମୁଇଁ ନେଇଁ ରହି ପାରୁଛେଁ
ମୋର ଭିତରେ କେଁଜେ?
ଚଟକୁଛେଁ ମୁଇଁ
ମୋର ଭିତରେ ଭି
ଦେଖୁ ଦଖୁ ଏତକିବେଲକେ।

ନେଇଁ ନ ମୁଇଁ, ଜାନିଛେଁ।