Gidalidali, Gadalidali Aron Way Sakit Poem by RIC BASTASA

Gidalidali, Gadalidali Aron Way Sakit

Gidalidali niya
Ang pagpananghid
Kanimo nga iya
Nang kuhaon ang
Iyang kasingkasing
Kay duna na
Siya lain

Gidalidali sad nimog
Langkat kay morag
Lahi na ang
Timpla sa iyang
Kampat

Mas lami man gud
Ang pagdalidali
Aron dili na
Mailhan kon kinsay
Nangilad
Ug kinsay
Nailad

At least
Dili ra kayo sakit
Kay pinakalit
Ang pag
Split

Morag tuplok
Sa dagom
Sa imong tudlo
Niadtong
Gikuhaan kag
Dugo

Di ba mora
Rag paak
Sa lamigas?


At last
Patas na ta
Gadali-dali ug lupad
Tugpa sa tagsa
Tagsa ta ka
Bag-ong salag

COMMENTS OF THE POEM
READ THIS POEM IN OTHER LANGUAGES
RIC BASTASA

RIC BASTASA

Philippines
Close
Error Success