*****gilutos Poem by HAZEL Calumarde

nagpa-ilob,
nagpa-ubos,
wala man lang gani mutingog

sa mataghigayon
nga imo akong gitamparos

unsa ba gyud diay ang akong
sala diha kanimo
nga imo man akong gilutos?

sayop ba diay kanang mahigugma ako
sa paghan-ay-laray sa mga pulong
dinhi sa akong kalipay?

hinuklugi kanang akong pangutana
alang kana kanimo higala

wala ako maglunang anang giingon mong
lim-aw sa pagpakasala

angkunon ko
dili ako santo, tawo ako

makasasala
wala ko na ipanghimakak

apan masakitan usab ako
kay maantigo akong mahigugma
sama kanimo.