ଦିଅ ନା ପ୍ଲିଜ Give Me Please Poem by Gajanan Mishra
Gajanan Mishra
ଦିଅ ନା ପ୍ଲିଜ Give Me Please
ମାତ୍ର ଗୋଟେ କବିତା
ଗଜାନନ ମିଶ୍ର
ଖୋଜି ଦିଅ,
ଖୋଜି ଦିଅ ନା ପ୍ଲିଜ,
ଗୋଟେ କବିତା,
ମାତ୍ର ଗୋଟେ କବିତା।
ଗୋଟେ କବିତା ପାଇଁ
ମୁଁ କୋଶେ ଧାଇଁଯିବି
ଅଖିଆ ଅପିଆ।
ଗୋଟେ କବିତା ପାଇଁ
ସବୁ ଦେବି ସମର୍ପି
ଏଇଠି ତୁମଠି।
ପ୍ଲିଜ, ଦିଅ ନା,
ଦିଅ ଖୋଜି ଗୋଟେ କବିତା,
ଯୋଉଥିରେ ଥିବ
ଜୀବନର ଇତିବୃତ୍ତ
ଆଉ ଯାହାକୁ ଧରି
ପାରେଇଯିବି ଝଡ ବାତ୍ଯାର
ଏ ଅଶାନ୍ତ ସମୁଦ୍ର।
ପରବାଏ କରିବି ନାଇଁ
ଯେଡେ ବଡ ଢେଉ ଆସୁ
ଯେତେ ବେଗରେ ପବନ ଆସୁ
ଯେତେ ଭାଙ୍ଗୁ ଉଜୁଡୁ ହଜୁ
ପରବାଏ କରିବି ନାଇଁ
ଆଉ ଥିବି ମୋ ଭିତରେ ମୁଁ
ସ୍ଥିର ବିନା ପାଣି
ବିନା ଆଲୁଅରେ ବି।
ଗୋଟେ କବିତା ଇ ଦରକାର
ମାତ୍ର ଗୋଟେ
ଯିଏ ଏଠୁ ସେଠିକି
ପାରିବ ନେଇ ମତେ
ଭାରି ସହଜରେ
ସବୁ କିଛିକୁ ଦେଖେଇ ଦେଖେଇ
ବିନା କୌଣସି ମତଲବରେ।
ତପୋବନ, ଟିଟିଲାଗଡ, ବଲାଙ୍ଗିର
6/5/2019
This poem has not been translated into any other language yet.
I would like to translate this poem
Gajanan Mishra
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
8/29/2026 2:20:33 AM # rel_20260827T145718Z_a0f1bd3
Written in odia language, odia is the official language of odisha india it is about the power of poetry on this life.