Hali Sa Treseng Tigsik / From Thirteen Toasts Poem by Jaime Jesus Borlagdan

1
Tinigsik ko ining gapo
an haraphap kong puso
kaito pighagad mo sako
kan pinalumoy ko
dai mo na tig-ako.

8
Tinigsik ko ining daga
daing kintab pero bulawan
bakong daraga
pero pig-iiriwalan.

10
Tinigsik ko ining pili
hararom na babayi
intindiha sana an unit na itom
ta dai ka nanggad makakatana
kan natok sa irarom.

11
Tinigsik ko ining iba
gibo kan dai nananara
aram nang an alsum
lampas pa sa ngana
dawa ngororis na
dawa nagroroluha
dai mapundo sagkod dai
napupunggol an dila.

12
Tinigsik ko an pantomina
mahamis na banggi an dara-dara
dawa hinghing na sana
kan uminabot sakuya
iyo man giraray
an sa daghan ko
minarugba.

13
Tinigsik ko an baraylihan
kan mga burak buda ayam
nasa mga ayam sa puon an pagtios
nasa mga burak sa hudyan an pagluyos.

English:

1
I toast to this rock
my rough heart
before, you asked it from me
when I had it softened
you refused it.

8
I toast to a piece of land
without sparkle yet gold
not a maiden but fought over.

10
I toast to this Pili nut
a woman deep
mind only the dark peel
and never will you be able to taste
the juicy sap beneath.


11
I toast to Iba
work of those who never learn
knowing already that the tanginess
is beyond too much
even though grimacing
even though weeping
they will never stop
until their tongues are blunted.

12
I toast to Pantomina
carrier of sweet night
although a whisper
when it reached my ear
it's still the wrecker
of my heart.

13
I toast to the dance
of the dogs and flowers
it is for the dogs at first to suffer
it is for the flowers in the end to wither.