Harijan (Kosli Poem 113) Poem by Binapani Mahaling

Mor janam harijan gharen helaa bali muin achhuann heli?
Mor bi tumar metaal laal rakat ache, maatir dihete ache.
Mor bi man, budhi sudhi ache, sabunu bad atmaa te ache.
Mor bi haat judi bhagbaan ke daakbaar adhikaar ache.
Pher kaain helaaje mandirar baat duaar band ache?
Mor bi samkirar saange basikari path padhbaar eichha acche.
Helen pachhaadar line na kaain basbaar ke paduchhe?
Mor bi samkirar saange basi bhuji khaaibaar man ache.
Helen kaainhelaaje taraapatiaa paal pakaahauchhe?
Muin bi munush baagir rahesi, saphaa suturaa kapdaa pindhsi.
Helen tumar man mailaa kaainkari, kaain kari ei baachh bichaar?
Mor janam laagin! ! Janam ta mor haaten ni thaain tumar haaten bi.
Pher mor karam ke dekha, mor munushpan ke dekha.
Dekha mor bhitren thibaar shakti ke, kaam karbaar eichha ke.
Mor saaph suturaa manke aau bhal paauthibaa atmaa ke.
Mate chhinelen jaait jaauchhe je jaauchha gaadhi?
Mor dihen khasukhujri ni hei tumar mane haechhe.
Tumar man ke dhob phar phar saagun thin dhui nia.
Tumar atmaa ke pabitrataar paani upkei dupkei gudhei nia.
Budhi sudhi ke gyaanar ujaalaana pharpharaate sukhei nia.
Pher bujhi paarba sabu munush samaan, eishwarar bardaan.
Samkirar laagin suraj ukiaa dauchhe, paban jeeban dauchhe.
Jan thandak dauchhe, maaet kulen samku dharichhe.
Samikirar laagin paain sosh metauchhe, gachha chain dauchhe.
Pher jet pet kaain kari? Aasa gute aakash talen sukhen rahemaa.