କେମିତି ବୁଝେଇବିHow Can I Make You Understand Poem by Gajanan Mishra

ଯୋଉଟା ଯେମିତି
ଗଜାନନ ମିଶ୍ର

ଛାଡ,
ଧାଡିକୁ ଧାଡି,
ଶବ୍ଦକୁ ଶବ୍ଦ
କେମିତି ବୁଝେଇବି, କୁହ।

କହିବି କେମିତି
ଏୟା ହେଇଛି,
ସେୟା ନୁହଁ।
ୟେ ଭଲ,
ସିଏ ଖରାପ।

ପୂରାଟା ପୂରା
ଅନ୍ଧାର,
ଆଉ ଅନ୍ଧାରରେ
ବାଇନାଚ ପ୍ରବଳ,
ସଇତାନର ଖେଳ।

ତଥାପି ବଂଚିଛି,
ବଂଚିଛି କହିଦେବାକୁ
କିଏ କାହାର କଣପାଇଁ।
ହଉ, ଯୋଉଟା
ଅଛି ଯେମିତି ଯୋଉଠି,
ଥାଉ।

ନାଇଁ କିଛି କରିବାର,
ନାଇଁ କିଛି ବଦଳେଇବାର,
କିଛିକୁ ଶକ୍ତି ନାହିଁ କାହାର।
ତଥାପି ଅହଂକାର,
ତଥାପି ହୁଙ୍କାର।

ତପୋବନ, ଟିଟିଲାଗଡ, ବଲାଙ୍ଗିର
28/10/2018