ମୁଁ ଆଉ ଆମେ I And We Poem by Gajanan Mishra

ମୁଁ ରୁ ଆମେ
କି ଆମେ ରୁ ମୁଁ।
ମୁଁ ଆଉ ଆମେ,
ଫରକ କଣ
ଆଉ କେମିତି କେତେ
କିଏ ଜାଣିଛି ସଠିକ୍
ଆସିକି କହୁ।

ମୁଁ ହେଉ କି ଆମେ
ସେଇ ଖଣ୍ଡିଆଭୂତ ଭଉଁରୀରେ
ନ ଫଶି ସିଧା ରାସ୍ତାରେ
ମୁଣ୍ଡଟେକି ଯିବା କଥା କି ନାଇଁ!

ମୁହଁ ଲୁଚାଇ
ଘରକୁ ଘାଣ୍ଟି ଚକଟି
ଯିବାକି,
ଏଣେ କହିବା
ତେଣେ କହିବା
ଫାଇଦା ନେବା,
ଯିଏ ମୁଁ କହିବ
ସିଏ ବାହାପିଆ
ମୁଁକାର ବାଲା
ଯିଏ ନ କହିଲା
ସିଏ ମାଇଚିଆ!

ମୁଁ ଆଉ ଆମେ
ସବୁ ବେକାର।

ଯୋଉଠି ଯାହା ଯେମିତି
ନିଷ୍ଠା ରଖି, ସତ୍ୟଧର୍ମରେ ରହି
ନିର୍ଲିପ୍ତ କାମ କରାଯିବାରେ
ପୁରୁଷାର୍ଥ।
ମୁଁ ଆମେ ଉଭୟେ ଦରକାର।
ଆଉ ଏଥିରେ
ଦେଶଜାତିର ମଙ୍ଗଳ।