ଭଲ ଜଣା ମତେ I Know Very Well

ସାଧବ ବୋହୂ
ଗଜାନନ ମିଶ୍ର

କୋଉଠି ଥାଉ?
ଏପଟେ ଆ କହିଲେ
କିଆଁ ସେପଟେ ଯାଉ!
ଆଉ ଯାଉ ଯାଉ
କଣ ପାଇଁ ଏତେ
ରଙ୍ଗ ଦେଖାଉ!
ସାଇପଡିଶା
ସଂପର୍କୀୟ ଭକୁଆ ସବୁ!

ଯା ରେ ଯା
ଅଳପେଇସା
ଭଲ ଜଣା ମତେ
ସବୁ କଟାଛଟା!
ନାଇଁ ତ ବୃଥା
ପିଟୁ ଥା ଡିଙ୍ଗୁରା।

ତୁଚ୍ଛାକୁ ବାଇଆ
ରହି ଥା
କହିବି କଥା
ବସୁ ସଭା।

ଆରେ ହେ
ଆଜିର ମାଳୀ
କାଲିର ତେଲି
ତୋ ଦେଖାଦେଖି
ଜାଗା ଇ ଖାଲି।

କହନାରେ କହ ନା
ଯେତେ କହିବୁ
ସେତେ ଲମ୍ୱିବ
ଦେଖିଲାବେଳକୁ
କିଛି ଇ ନ ଥିବ।

ତୋ ଚାଲାକି
ତୋଠି ଥାଉ!
ଯାହାର ଯୁଆଡେ
ଯିବାର ହେଉ।

ତପୋବନ, ଟିଟିଲାଗଡ, ବଲାଙ୍ଗୀର
19/03/2021