Ihubo Lenhliziyo Yami Poem by Sizwe A Zungu

Ngivuke ngihuba, ngihuba
Ngihubela inhliziyo, ngikhononda
Ngikhalaza ngiqanganisa, ngisola.
Inhliziyo iqaqamba, ithemeleza,
Ithimeleza ithuthumela ithunukele
Ith' ukube ayizange ithunjwe,
Ngabe namanje isemsulwa.

Ngizithuke ngihaya, ngivungama
Ngihaya ngenhliziyi, ngidazuluka,
Ngikhumbule mhlazana inhliziyo isaqome ubuwula,
Uthando nokushelwa kuseyinhlamba,
Ngalicula ngingazelele ihubo
Yalivungama inhliziyo, yahuba.

Inhliziyi yahuba nanxa yeduswa,
Yadundubala amaqele othando,
Yagcina ihuba noma ibibitheka, isililo
Yagcina ivungama noma isindwa
Like lazoyiza ihubo,
Yagcina ibindeka inhliziyo
Yamfimfa, yaklayeka yachitha konke!