Ikaw Ug Ako Poem by RIC BASTASA

dili ko
ganahan nga
ako
aslom o
kaha ba
pait

gihandom
ko pa gihapon
nga ako usa
ka tam-is
nga
tibugol sa
kamay

para unta
nimo

dili baya usab
nga maghimo
kog mga lungag
sa imong ngipon

gusto lang nako
nga tam-is
gamay ang atong
tsa o
sikwate

wa nako gihandom
nga lamigason
ang atong
higdaanan

naglikay ko anang
hapdos
o ngutngot

para lang god
pon unta nimo
kanang hapsay
limpyo
hayahay bisag
diha sa pamati
lamang

apan saon ta man
moay palad, dia ko
wa kang kabalo, aslom,
pait,

kanunayng gihapdosan
diha sa
kangutngot

unta di ka
masayod niini
di na
kinahanglan

di sab kang
kamaong mosabot
di sab kang
mangilabot