ସେଇ ଗୋରୁ ବଜାରରେ In That Cattle Market Poem by Gajanan Mishra

ସେଇ ଗୋରୁ ବଜାରରେ
ଗଜାନନ ମିଶ୍ର

ନାଇଁ ନାଇଁ
ମିଶ୍ର ହୁଅ କି ଦାସ
ରାଜୁ ତ ତମେ
ମନା କର ନାଇଁ।
ମାମା ହୁଅ କି
ହୁଅ ଭଣଜା
ଭାରି ଖତରା!
କହିବେ କିଏ କଣ
ଦେବା ନି କାନ
ଯିବା ଦେଖି ସୁଯୋଗ
ଆଉ କହିବା ସତ କଣ!
ଗବଗାଣ୍ଡୁ ନୁହଁ ତ
ନ ହେଲେ ଏତେବେଳେ
ଡଙ୍ଗରତଳେ କିଆଁ ଶୋଇଛ!

2

ରାଜୁ ତ!
ହେବାଟା ହେଉ
ନ ହେବାଟା ବି ହେଉ।
କହିବା କଥା ଯାହାଯେତେ
ତେଣିକି ଗାଧୋଇ ଯାଉ।
ଆରେ ବାଃ!
ଏତେ କଥାକୁ
ଏତେ ଚିନ୍ତା!
ଯିଏ ଯାହା କରୁ
ପରେ ହେବ ସ୍ଥିର
କଣ ଲଘୁ କଣ ଗୁରୁ।
ଆରେ ରାଜୁ, ସକାଳଟାରୁ
ସେଇ ଗୋରୁବଜାରରେ
କଣ କରୁଛୁ?

ତପୋବନ, ଟିଟିଲାଗଡ, ବଲାଙ୍ଗିର
08/02/2020