ଆକାଶରେ ମାଟିରେ In The Sky On The Earth Poem by Gajanan Mishra

ଫେରେ କିଏ
ଗଜାନନ ମିଶ୍ର

କିଏ ଯାଏ
ଆଉ ଫେରେ କିଏ
ଏସବୁର ଅର୍ଥ
ରଖେ କିଏ
ଆଉ ରଖି
କରେ କଣ!

ହୋ ହା ରେ
ଦେଶ ଚାଲେ
କୋଉଠୁ କୋଉଠିକି
ଛକ୍କା ମାରେ କିଏ
ଛନକା ପଶେ
କାହା ଭିତରେ
ରାସ୍ତା ରୋକେ କିଏ
ମାମୁଘରେ
କିଏ ସଢେ!

ଆକାଶରେ
ନିଆଁ ଲାଗେ
ଧରିତ୍ରୀ ମା
ପାଣିରେ ବୁଡେ
ମଣିଷ ଭାଷା ଭୁଲେ
କିଏ କଣ କୋଉଠି
କିଛି ଅର୍ଥ ନ ଥାଏ!

ଭୁତ ନାଚେ
ବାହା ପିଟି ପିଟି
ଧର ଧର ମାର ମାର
ଶୁଭେ ଭିତରୁ ଭିତରେ
କିଏ ଥାଏ କୋଉଠି
ଜଣା ପଡେ ନା
ତୁମକୁ କି ମତେ
ଗୋଟେ ପେନସିଲ ପାଇଁ
ଆଭ୍ୟାନ ରାହା ଧରୁଥାଏ
ଐଶାନୀର ଖାତା
ସରି ଯାଇଥାଏ।

ଏ ପୃଥିବୀ କାହାର
ଚନ୍ଦନ ପଚାରୁଥାଏ
ପ୍ରଶ୍ନକୁ ପ୍ରଶ୍ନରେ ରଖି
ସୁମନ ହସୁଥାଏ
ଦେଶ ଉଜୁଡୁଥାଏ
ରାଜ୍ୟ ହଜୁଥାଏ
ମୁଁ ମୋଠି ଆଉ ନ ଥାଏଁ
ହଇହଲ୍ଲା ଚାଲିଥାଏ
ଆକାଶ ଆଉ ମାଟି
ମଝିରେ ।

ତପୋବନ, ଟିଟିଲାଗଡ, ବଲାଙ୍ଗିର
14/02/2020