ଏ ଅନ୍ଧାରୁଆ ଜଙ୍ଗଲି ରାସ୍ତାରେ In This Dark Forest Road Poem by Gajanan Mishra

ଏଇ ଦିନରୁ ଖୋଲିବ ଗୁମର
ଗଜାନନ ମିଶ୍ର

1

ଜଗିରଖି ଥାଅ
ନିଜକୁ ନିଜେ
ଆଉ ରହିଥାଅ ପ୍ରସ୍ତୁତ
ପଡିପାରେ ଯିବାକୁ
କାହାକୁ କେତେବେଳେ!

ଉଠିବା, ବସିବା,
ରହିବା କଥା ଆଉ ଆଉ
କହିବ ନି କେବେ।
ଏତେବେଳେ ହେଉ କି
ସେତେବେଳେ ଅନିବାର୍ଯ୍ୟ ଯୁଦ୍ଧ
ମନେ ରଖିଥିବ ଟିକିଏ।

ଆଉ ଆଗଉଥିବ ପାଦେ ପାଦେ
ନିଜର ନକ୍ସାରେ ନିଜେ
ଆନନ୍ଦରେ ତଳଉପର ଦୋଳିରେ।

2

ଆରେ ହେ,
ଆଉ କଣ ଅଛି ଯେ
ମାତି ରହିଛ ଘଣ୍ଟାଘଣ୍ଟିରେ!

ନ ଜାଣିଲାଟା ଜାଣୁଛ,
ନ ଦେଖିଲାଟା ଦେଖୁଛ,
ଆଉ ଆଉ କହି ଚାଲିଛ
ଯେମିତି ସଂପୃକ୍ତି ନାଇଁ
ତୁମର କୋଉଥିରେ!

ଆସିଲାବେଳେ
ଆସିଥିଲ କେମିତି
କହିବାକୁ ନାଇଁ କେହି ଏଠାରେ।
ଗଲାବେଳେ କଣ କେମିତି
ଚାଲିଛି ଦେଖିବାକୁ ଅଛି ସେଇଟା ଇ
ଏ ଅନ୍ଧାରୁଆ ଜଙ୍ଗଲି ରାସ୍ତାରେ।

ତପୋବନ, ଟିଟିଲାଗଡ, ବଲାଙ୍ଗୀର ଜିଲ୍ଲା
18/10/2021