ଶବ୍ଦରେ In Words Poem by Gajanan Mishra

1

ଅଛି ସବୁ,
ସବୁ ଅଛି।
ନାହିଁ ଅଛି,
ଅଛି ନାହିଁ।
ନାହିଁ ନାହିଁ
ଅଛି ଅଛି।
ଆଉ ଏ ଭିତରେ
ସବୁ ହେଉଛି।
ଖିଆ ପିଆ ଶୁଆ,
ଶବ୍ଦରେ ବାକ୍ୟରେ
ସବୁ କଥା।

କଥା ସବୁ,
କଥାରେ ଲଥା ମିଶାଇ
ସବୁ କଥା।
ଯା, ଲତା ଯା,
ଯୁଆଡେ ଇଚ୍ଛା, ଯା।
କହିବୁ ନି ବାଟରେ
ନ ଆସିଥିଲେ କଣ
ଚଳି ନ ଥାନ୍ତା!


2

ସ୍ଥିତି

କୋଉଠୁ କିଏ କେମିତି
କୋଉଠି ଯାଉଛି ପହଂଚି
ନାଁ ଗାଁ ରୂପ ରଙ୍ଗ ଯାଉଛି
ବଦଳି ବଦଳି ଏମିତି!

କାହାର କରାମତି?
ଲାଭ କେତେ ହାନି କେତେ
ଖର୍ଚ୍ଚବାର୍ଚ ସବୁ ଛାଡିଦେଲାବେଳକୁ
ବାହାରି ପାରୁ ନି ସଦବୁଦ୍ଧି।

ଆଚରଣ କଣ କାହା ପ୍ରତି,
କାନ୍ଦ କି ହସ ଅବସ୍ଥା ସାଂଘାତିକ।
ତଥାପି ପରଖିଗଲାବେଳେ ସ୍ଥିତି
ବୁଲି ଯାଉଛି ମୁଣ୍ଡ ଆଉ କୁଆଡେ ସେମିତି।

ତପୋବନ, ଟିଟିଲାଗଡ, ବଲାଙ୍ଗିର
25/7/2019