Ngalenkondlo ngizovusa amathemba
Asegqitshiwe amathemba
Kepha ngokwethemba elami ithemba
Ngalenkondlo ngizolivuselela elakho ithemba
Ngithi namuhla siyawambula
Ngeqiniso sizowakhulula
Ngemvula sowahlanza.
Ngezikhukhula bazohluleka
Ngokusicekela phansi bebethi bazophumelela.
Kepha neze ukusicindazela.
Bebethi siyabasaba, bethi sizobaleka
Kepha ke ngesivinini badideka
Nakhuke sebezohluleka
Thina ngokuzethemba sizobaqonda.
Ngethemba lokugcina sizophumelela.
Usathane uzamile wahluleka
Ngoba kuMdali sohlale sikhuleka
Ngethemba amaphupho ayofezeka
Ngethemba sonke sophumelela
Ithemba ithemba ithemba
Abahluphekile bayalila
Bayakhala bayaphinda
Bathi thula mntanami ngoba ujesu ukhona
Ngephimbo elinesizotha bayahlabelela
Ngethemba bayakhuleka.
Ngethemba imthandazo iyophendulwa
Ngethemba inkosi izoba hawukela.
Ngethemba sizobumbana
Ngokwebumbana sizophumelela
Ngokuphumelela izwe lokhokho noKhokhokazi lithuthuka.
Ngokwethuthuka lizovuka ithemba.
Ngokuvuka kwethemba izobuya iAfrica.
Hlala uqine ethembeni
Ngoba sekuseduze empumelelweni
Akubalulekile ukuthi omunye unani empilweni.
Kepha okubalulekile ukuthi wena usazobanani empilweni.
Izimoto ezingakanani egcekeni.
Imali engakanani ebhangeni.
Wena nje hlala ubekezele ethembeni
Ngalenkodlola ngizovusa amathemba.
Ngalenkondlo siyaphilisa siyasindisa
Inhloso ukuphilisa kepha isiphetho siyabusisa
This poem has not been translated into any other language yet.
I would like to translate this poem