Walay makasakna ning akong gugma
Nakigbisog kanunay sa mga turpada
Nabanal na kini's samad nga nakuha
Naghupot kini sa pali sa gugma
Naminhod kini sa sakit nga nabati
Di na gani kabatyag sa dagkong gisi
Presensya sa Diyos ang kusog gibasi
Panangway sa yawa kini nagtingsi
Walay makasakna ning akong gugma
Tig-ang suliran ang pamahaw niya
Hangtod sa udto kay naghangot siya
Inigabot ning salumsom kay iiti niya
Naminhod kini sa sakit nga nabati
Ultimo's pagkalurong kini nag-agi
Italidhay niya ang saway'ng ganti
Madaogon kanunay bisan pag pildi
This poem has not been translated into any other language yet.
I would like to translate this poem