nakita ko kadtong babaye sa bungtod
nga naghilak
dugay na kadtong panahon
ug wala akoy katakos
pagpangutana kaniya
nganong
dili husay ang iyang buhok
nganong wala siya sa iyang
kaugalingon
wala ako kahinumdum
kon siya mibungat sa pulong
mahitungod kanako
o kaniya ba hinoon
apan naningkamot siya
nga magpuyo
nga malinawon bisan
pa ug pagsaway
ug pagtamay
sa akong mga katigulangan
ug sa among
mga halangdong silingan
pagkadugay na sa panahon
namatay
gilubong na ang babaye
nga naghilak sa bungtod
ug sultihan ko kamo
inahan ko kadto
ug karon
gikamingawan ko
This poem has not been translated into any other language yet.
I would like to translate this poem