Kailan kaya muling aking masisilayan
Ngiti ng bulaklak na pinag-ukulan
Ng wagas na pag-ibig na kailanman
di magmamaliw hangang kamatayan.
Sa bawat araw ito'y panalangin
Na sana panaghoy ko'y dinggin
at muling ikaway yang ngiti sa akin
upang kaligayaha'y masisilayan din.
Sa bawat panahong di ka masilayan
katumbas ay buhay sa kawalan
Na sa bawat dapithapon na daraan
kalungkutang lubos sa akin ay nahan.
Ano mang mangyari sa buhay na angkin
Mawala man ito kasama ng hangin
Di ko magagawa na ika'y limutin din
Pagkat ikaw lamang panatang iibigin.
This poem has not been translated into any other language yet.
I would like to translate this poem