Kala Tufaha (Swahili Language) Poem by LINET SABASTIAN

Daktari alisema kula tufaha ni afya
Tufaha ni tamu na tena ni kinga
Ukila magonjwa yakuondokea.
Nimekula tufaha si mara moja.

Daktari alisema halina kiwango
Lakini nimekula tufaha lililokuwa na mdudu
Tumbo langu limepata uvimbe
Daktari anasema mdudu hana madhara.

Daktari amenichanganya
Tumbo limezidi kupata uvimbe
Amesema dawa ni kuendelea kula tufaha
Mdudu utakuwa tumboni miezi tisa.

Kweli tufaha halina madhara
Uvimbe sina tena
Shukrani kwake Mungu
Kazi kwangu ya kumlea mwana.

Kweli tufaha ni tunda!