ମୁଇଁ ମୋର୍ ଭାଷାନେ (Kosli) I Am In My Language Poem by Gajanan Mishra

କହେମି,
କହେମି ତ
ମୁଇଁ ମୋର୍ ଭାଷାନେ,
ନେଇଁ କହେମି କେନ୍ତାକରି,
ମୁଇଁ ପରେ ଫ୍ରି,
ଇ ମାଟି ଉପରେ
ମୋର୍ ଜନମ୍ ।
ଜେନ୍ ତା ବୁଝୁଛ ବୁଝ
ମୋର କଥା ମାଟିର କଥା
ମୁଇଁ ତ କହେତେଲ ଜିମି ଏକା ।
କେନ୍ତା ନେଇଁ କହେମି,
ଜାନୁନ୍ ସଭେ କେଁଟା ସତ୍,
ବୁଝୁନ୍ ନିଜର୍ ନିଜର୍ ପୋଜିସନ୍ ।
ବେଲ୍ ଦେଖିକରି କହେବେ ନ ସଭେ,
ଆରୁ ସଭେ ଘାଏକେ ଫୁଟାବେ
ଟୁଁଡ ବଏଲେ ତୁଲିଆ ଚିରି
ହେଟା ପଲାଲ ନ, ଜାନି ଥ ।
ମୋର ଖଉଛ, ମୋର ପିଉଛ ଆରୁ
ମୋର ଭୁରସି ବୁଡଉଛ ମୋରଠାନେ, ନେଇଁ?
ରହ ରହ, ଦେଖବ ଦେଖବ
ମରବ, କହି ନେଇଁ ପାର, ପଲାମି ।