Kwezongcamango Zothando Poem by Anele Potelwa (Unpublished)
Kwezongcamango Zothando
Kwafik'elo xesha
lokunyamezel'uthando lundixhesha
waxhwalek'umphefumlo zaxhelek'iingcinga
yaqaqamb'ingqondo kwiinzulu zeenkumbulo
Kwangumxu'enxubevange kwintliziyo yam
ndikulomeko yokushiywa sisithandwa sam
zagxagxaz'iinyembezi kwezonkophe zamehlw'am
Kuba kaloku lindishiyil'igqiyazana lam
Ubona nje ngekungenje ukuba wayemdlil'utsiki
kuba namhla ndixinge kulamangqangangqanga
ewe ndizinze kulamahobohobo ezithukuthezi
Kuba lemka ingqina ndashiyeka ndicul'ukunyamezela
Kwezo nyembezi zam ndiyathemba yena wonwabile apho akhoyo
kungenani ndakomelela kwezimbishimbishi
Kodwa'intliziyo yona ibhodl'igazi
kub'inelo nxeba lokungazi
This poem has not been translated into any other language yet.
I would like to translate this poem
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
8/29/2026 1:25:49 AM # rel_20260827T145718Z_a0f1bd3
Ubuhle bokuba nsundu wukunotha kolwimi lwenkobe, ngiyazidla ngawe ntoyakoPotelwa, uqhubeke njalo ungayeki, ubukhali bosiba lwakho bunganqindeki, ngawe kuyohluma abanye abayizinkulungwane abanjengawe bafuze wena! .. Siya_! !