ଭୂମିର ଭାଷା Language Of The Land Poem by Gajanan Mishra

ଏମାନେ କୁଆଡେ ଭୂମିପୁତ୍ର,
ଭୂମିର ଭାଷା ବାହାରୁ ନି ପାଟିରୁ,
ଅଜାତିଆ କରିବାକୁ
ସଭିଙ୍କୁ ଆପଣେଇ ନେଉଛନ୍ତି ସବୁ କୌଶଳକୁ।
ସଦାବେଳ ନିଶାରେ, ସଦାବେଳ ବ୍ୟସ୍ତ ମାତୃଦ୍ରୋହୀ କାର୍ଯ୍ୟରେ
ଆଉ ସଦାବେଳ ମା ମାଟି ବିରୋଧରେ ।

ଏମାନେ କୁଆଡେ ଭୂମିପୁତ୍ର,
ଭୁଆଁବୁଲା କଥାରେ ଭୁଲେଇ ସାଇଭାଇକୁ
ଲୁଟ କରୁଛନ୍ତି ଇଜ୍ଜତ ମହତ
ଝିଅ ଭଉଣୀ ବୋହୂର ।

ଏମାନେ କୁଆଡେ ଭୂମିପୁତ୍ର,
ଏମାନେ ବିଶ୍ୱାସଘାତକ ତସ୍କର,
ସଦା ଚଲେଇଛନ୍ତି ଦୁଇନମ୍ୱରି କାରବାର।
ବାହାରକୁ ଚହଟ ଚିକ୍କଣ ଧୋବଧାଉଳିଆ
ନକଲି ଭାବମୂର୍ତ୍ତିରେ ମାହିର ଏମାନେ।