Lerato (Love) ? Poem by Sludy Ma C Lela

Lerato ke mpholo mahlong a bo, ke a ratwa
Lerato ke sephiri sa pelo ya o a hlwekilego
Lerato ke mmolai dipelong tsa bao bai kannego
Lerato le ka go dirisha di phosho
Lerato aowa nna kere o moleko

Lerato
O dumela jwang gotswa melomong ya bahloi ba gago
Ah nah o tla tsoga ka le lengwe o bile le kgotso?
Aowa …. Kera le yona kwelo bohloko
Seo fetogile lenaba la makgarebe le masogana
O ba ketisha diketo, o ba binisha ka leoto le tee
Rekwa fela ka sello mesepelong ya gago
Ge o feta bao ba nago le mabadi a gago
Batswa mare, ba a belekega, ba tenega

Lerato
Empa mahlong a difofu o moruti
O tau se apara hlogo ya nku
Bokagare bja gago o bogale
Boka selepe sa magagane
O ba tshepisha khutju khutju terene ya malahla
Wa re go fetsa ka bona wa ba kgoka seporong

Lerato
Mehleng ye go opelwa ka wena
go binwa go nyakallwa ka wena
efela gago le o tee a tsebago sefahlego sa gago
ba thomile ke a hwa ke a ikepela, o rata kenna
ka pelo le ka Mme le Ntata
Gore motho a fihlelle se sengwe
O fetogile sebetja sa bana, bahumi le bahloki
Seo ole polelo fela, o papadishane
O ngwadilwe melomong le mahlong
A makgarebe le masogana

lerato
Lerato le jwale ka lekgodu la boshego gare
Ge le ratile le ka ba bogale jwalo ka legare
Lerato le jwalo ka sauwe leka go faposha
Le ka go timetsa mosegare wa sekgalela

Lerato
diketekete tsa magaborena ka wena lehone ke bahloki
Go kenwe merabeng le di pankeng go berekishwa wena

O tlogetse banna le basadi ba lahile maleme fase
Mahlo a wele puu… okare ba tsobile patshe
Ka melomo bosehla e fitile ye ntsho katse

Lerato
barile ba ago tseba kganthe gao modudi o mofiti
Jwalo ka sedikwadikwe sa puleng ya ledimo
O tsweletse o balibile o bona galla sa godimo
Ba lebala go phasa badimo ba leboge le modimo
Malapa difero, magora wa tswalela, menyako wa shiretsa

Lerato
o mmolai, o lahlile bana
Emapa batswadi ka bobedi ba sa phela
Bare Mme o kitima le mekgotha, masogana ke tjovitjo
Nntate oile le naga, o wetse ka nkgong, we neeletse ka madila

Lerato
ke nnete ba boletse baswana o pelo mpe
O se hlare sa go berekisha mala go bao o kilego wa gwerana le bona
Lerato lenna nketele ke be morui
Lerato ah nah… o sale gona?
Ke rata go tseba gore osale ola wa maloba le mabane

Lerato
ah nah… o sepetse le bo rakgolo khukhu?
Hleh… mahlong aka iponagatse, ke letile hle.. mphelegetse
Mpontshe tsela nna hle… o se ntahletshe
Leeto ke a lesepela empa mo ke lebilego ga ke fihle

Lerato
Ke moratile, o mforile, lehono o ntahlile
Nah ke ka wena lerato
Ke kgobokantshe masheleng
Ke patetse, lehono ke mo lobile
Ah nah.. ke ka wena lerato

Lerato
Ke go tshepile ka bophelo baka
Ka tshohle tsaka
Wa mpha Tshepo, ka bona bokamoso
Ka robala ka magetla ke lokologile
Wa paka pakisha ka masa
wa swara kgogo molomo
wa ntlogela malaong
ka tsoga ke gakanegile

lerato
ga ele nna tseba ke go hlapa diatla
lehono ke go rolela katiba
ka mangwele fase ke wele
ka pelo yaka diketo watla wa tseba go diraloka
ah nah..ke nnete yeo goba o phetagatsha toka?
Ya eng?
ke tla bolela ke reng?
Wa tla wa mfetosha lefetwa

Lerato
Tumelo le Tshepho dipelong tsa setshaba ore lahlegetshe
Bo Moratuwa le bo lovey, ga ba sa tseba pele le morago
Ge o fihlile pelong ya mmamoratwa wa gago, ra re rea molemosha, ore rekwa mona, tseba
Lerato … ah nah wa tshepa gore Morena Ramasedi o gona
Wa tlaisha lefase mesong le manthapana, wa tsheela meedi le meetshana
Mangope le mangobjana, meboto le mebotwana

Lerato
se ke lomilwe tsebe ke pudi ya tsela gore seo fetotse le madulo
Hle mphe dinomoro tsa mogale, le nomoro ya mo o hodugetsego gona
Ke kwele fela gore seo dula ka merabeng, ka difatanageng, meaparong
Letse dingwe tse botse, le tse borutho
Kganthe nnete ya taba eletse kae, kere bodulo ba gago bo mo kae?
Ele gore lerato wena o mang?