ଅକ୍ଷର ଶବ୍ଦ ଆଉ ଅର୍ଥ Letter Word And Meanings Poem by Gajanan Mishra

ବଳ
ଗଜାନନ ମିଶ୍ର

ବଳ ମୋର
ଅକ୍ଷର ଶବ୍ଦ
ଆଉ ଅର୍ଥ।
କୁଅର୍ଥ ଆସେନା
ମୋ ଅକ୍ଷରରେ
ମୋ ଶବ୍ଦରେ।
ଶବ୍ଦ ଗଢେଁ ମୁଁ
ମୋ ରକ୍ତରେ
ଝାଳନାଳ ହୋଇ।
ଆଉ ସଦା ନାଚୁଥାଏଁ
ସମୟର ବାଦ୍ୟରେ
ତାଳଲୟରେ।
କବି ମୁଁ
ସଚରାଚର ସହିତ
ରଖେ ପ୍ରୀତି
ବୁଦ୍ଧି ଅଗୋଚର।
କୁମତି ପାରେ ନା ପଶି
ଭିତରୁ ଭିତର
ଅଧବାଟରୁ କହେ
ବେକାର ହୋ, ଛାଡ।
ମୂର୍ଖେ ବୁଝିବେ କଣ
ଦୁକଦୁକି ଧୁକଧୁକି ମୋର।
ପ୍ରିୟ ମଣିଷ,
ହୁଅ ଗତଶୋକ
ହୃଦରୁ ତୁଟାଇ ଡର।
ଲାଗି ଲାଗି ଆସ
ମୋ ଶବ୍ଦ ଅକ୍ଷର
ଅର୍ଥ ପାଖକୁ।
କର ନିତ୍ୟ ସ୍ନାନ
ଭାବରେ ପ୍ରେମରେ
ହର୍ଷରେ ଆଉ
ନୂଆ ନୂଆ ରସ
କର ପାନ।
ସ୍ନେହ ଆନନ୍ଦେ
ରହ ଗଦଗଦ
ପିଇ ପିଇ
ଭକ୍ତିର ମଦ।

ତପୋବନ, ଟିଟିଲାଗଡ, ବଲାଙ୍ଗୀର
30/04/2020