Life Poem by shinnelle patterson

them ask why them did affi born yah suh
pure them nuh know what father God have
in store fi them
but some times ungrateful people neva
mek it ina life cause them
too wanty, wanty and them nah put out e effort
if you want supmm, work fi it and it shall
be yours
teenager drop outta school cause them long yey
why father wah mek them yey affi suh dry?
uno nuh sii seh jamaica anuh place weh uno
can survive if money naah talk
come on man
nuh disappoint, mek it ina life
think bout five year from now
tell mi wah yuh sii yuh self a duh
no sah, a wah u seh thief but yuh nuh easy
mek mama proud
suh when she sii yuh she can proudly say
that's my child.