Lumalabo Pa, Pero Klaro Na... Poem by Z doP

Lumalabo na...
Lumalabo na ang dating kilig, ngiti at saya
Sa tuwing tayo ay magkasama

Lumalabo na...
Lumalabo na ang mga mata
Kung saan ikaw lagi ang nakikita
Kanan man ito o kaliwa

Lumalabo na...
Lumalabo na ang iyong pag asta
Na parang bang bumalik tayo sa umpisa.
Sa umpisa kung saan ako palang ang nakakilala

Lumalabo na...
Lumalabo na ang iyong mga tingin
Na dati rati'y sa akin pa nakatingin

Lumalabo na...
Lumalabo na nga
Kasi may nakita ka
May nakita ka nang iba

Lumalabo na...
Lumalabo na ang nararamdaman
Dahil naguguluhan
Kung dapat pa bang ipaglaban o bitawan?

Lumalabo pa...
Pero klaro na...