Masaan Padaa (Kosli Poem 178) Poem by Binapani Mahaling

Gaan upten jaaichhe jor taar upren baail gadaa gadaa
Gadaa gadaa baail upren gaanr masaan paadaa.
Kad kad kad baanjir jhaar kadkuchhe masaanpadaa paakhen
Aakaash upren raaban uduchhe tarmasen badaa bhuken.
Gadaa gadaa hei khaar padichhe masaan padaa bhaer
Dhu dhu hei juae jaluchhe markatiaa kahanren.
Bho bho hei subhuchhe kaandi naed khanir kaunt ghaatu
Gharar bad mud jaaichhe ei ned khani baatu.
Belbudi galen munush daruchhe masaan padaa ke dekhi
Kete bhutkar sethaane ghar kiae ache dekhi
Baanji butaar kad kad saange mushaa dhusaar khar khar
Raati shuni jeeban jaauchhe baate chaalaa lukar.
Pahar ke pahar kulhiaar shabad aau karuchhe dardaraani
Phenkaarir phen phen shabad shuni behos hauchhe paraani.
Uaans dine andhaar raatin tandhei aaichhe chari
Lukar ei bhaabnaa aai kiae dekhichhe andhaar ke chiri.
Mashaanpadaa hauchhe pabitar jaagaaShiba Paarbatir baash
Maayaa moha bharaa dihe jalsi atmaa hesi abibnaash.
Mukaar matar jalipudikari heijaaisi naar khaar
Abhinaashi atmaa phiri heijaaisi chhadi maayaa sansaar.
Atmaa hauchhe shaktir saagar parmatmaar pabitar bar
Haaire munush bibek thaai taahaake kaain kari dar.
Atmaar laagin ta jeeban jeeinchhe atmaa binaa dihe murdaar
Aagke pachhke bhaabi kari, sikh mashaan padaar saar.