ମାଏଟ ମା Motherland Poem by Gajanan Mishra

ମାଏଟ ମା
ଗଜାନନ ମିଶ୍ର

ମଶାମାଛି
କୁଲିହାକୁକୁରମାନେ
ଜଦରଭି ଚଲାବେ
ଏନ୍ତା ହେବା ନେଇଁ କେଁ
ମାଏଟ ମା ଅବସଥା!
ମୁଡଜକା ଲେଂଜଜକା
ମାନକୁ ନେଇକରି
କେଁଟା ପାରବ କରି!
ମୁଇଁ ମୁଇଁ ବଲୁଥିବେ
ଆରୁ ହେଟା ଗବଡୋ
ପଡୁଥିବେ ଖାଲେ
କୁଡିଛନ ଜେନଟା ହେଲକେ।
କହିନେଇ ହୁଏ କି
ସହି ନେଇ ହୁଏ,
ରହି ନେଇ ହୁଏ
କେହେନସିଠାନେ କି
ନେଇଁ ହୁଏ ପଲେଇ
ଆରୁ କେନଆଡକେ।
କାଁ କରବ କାଁ କରବ
ବଲୁନ ବଲୁନ ସୁଖାଭଟାଥି
ନେଇଁ ନ ଆରୁ କିଛୁ ।
ଅପନେ ଭାଗିଜିବାରଟା
ଅଏନ ଆଏ, ନେଇଁ ହଉଛେ
ସଭାଁଲି ବଲି ନିଜକେ ନିଜେ
ନେଇଁ କହେବାର କଥା!

ତପୋବନ, ଟିଟିଲାଗଡ, ବଲାଙ୍ଗିର
27/10/2019