Met jou glimlag het jy my bekoor
met jou engel lag my hart verower
ek kon die versekering van jou liefde hoor
jou skoonheid het my skoon betower
Die sagtheid van jou aanraking
en die fluistering van jou stem
bring my tot bedaring
het my wilde hart getem
My mure het jy afgebreek
met jou liefde - steen vir steen
en die seer wat daar agter steek
het verdwyn - so een vir een
Met baie geduld het jy my behandel
al het jy self seer gekry
saam met jou wil ek elke dag wandel
ek soek jou hier aan my sy
Ek bemin jou met my hart, siel en vlees
oor my liefde vir jou hoef jy nooit te vrees
ek wens jy kon jou deur my oë sien
die liefde van my lewe - my Marlene
© GK1 - 01- Aug -19
This poem has not been translated into any other language yet.
I would like to translate this poem