ମୋର ଖେଳmy Play Poem by Gajanan Mishra

ମୋର ଖେଳ
ଦେଖ ଏଠି
ସବୁବେଳେ
ଶବ୍ଦ ସହ।

ନ ସହି ପାରିଲେ ତୁମେ
କଣ କରିବି ମୁଁ କହ।

ମୋର କାର୍ଯ୍ୟ
ସୂର୍ଯ୍ୟ-ଦୀପରେ,
ତୁମର ଉପସ୍ଥିତିରେ।

ନାହିଁ ମୋର
ସଂଜ କି ସକାଳ।

ମୁଁ ନିଜେ ଇ
ଉଜ୍ଜ୍ୱଳ।

ସବୁ ଦୃଶ୍ୟ
ରଖିଛି ମୋର
ଏ ଆକାଶ।

ନୁହଁ ମୁଁ
ଶୂନ୍ୟ ପୁରୁଷ।

ଏ ଫୁଲ ଏ ଗଛ
ଏ ଦ୍ୟାବା ପୃଥିବୀ
ସବୁରି, ଆଉ
ରଖିଛି ମୁଁ
ସବୁକୁ ଧରି।

ମୋର ଖେଳ
ସଭିଙ୍କ ସାଥୀରେ।

ଏ ଖେଳରେ
କେତେବେଳେ କିଏ
ହାରେ, କେତେବେଳେ
କିଏ ଜିତେ
ପାରନ୍ତି ନି କହି
କେହି ସଠିକ୍ ଭାବରେ।

ଏ ଖେଳ ଚାଲେ
ଚାଲିଥାଏ ସବୁବେଳେ,
ଯାଏ ଆସେ ନା କିଛି
ମୋର ଥିବା ନ ଥିବାରେ।