ଏ ଦେହ ଅମୃତnectar This Body Poem by Gajanan Mishra

ଅରୂପକୁ ଧର, ଅରୂପକୁ ଧର କବି
ଭାବରେ ମଜ୍ଜି, ସତ୍ୟରେ ଭିଜି, ତତ୍ତ୍ୱକୁ ହେଜି,
କବିତାରେ ବୁଣ ମାତୃଭୂମି, ମାତୃଭାଷାର ମଂଜି।

ସିଦ୍ଧ ହୁଅ କବି, ହୁଅ ଆଲୋକିତ, ଚିହ୍ନି ଭଗତ,
ଅନୁକ୍ଷଣ, କର ଆନନ୍ଦରେ ଶବ୍ଦ ଉଚ୍ଚାରଣ,
ମାଟି ଆଉ ଆକାଶକୁ ବାନ୍ଧି କର ସଂଗ୍ରହ
ସତ୍ୟ ସନାତନ ସଂପତ୍ତି।

ନିଜ ରୂପକୁ ନିଜେ କର ଧିଆନ,
ରୂପକୁ ଛନ୍ଦି ଅରୂପରେ ଆଉ ଅରୂପରେ ରୂପକୁ,
ହୁଅ ଧନ୍ୟ, ଆନନ୍ଦରେ ରଖି ମନ।

ଏ ଦେହ ଅମୃତ, ଏ ଦେହ ଆଦ୍ୟ ଆଉ ବି ଶେଷ,
ଦେହରେ ନାହିଁ କଣିଚାଏ ପାପ,
ବାନ୍ଛାକଳ୍ପତରୁ ଏ ଦେହରେ ଉତ୍ପତ୍ତି ସ୍ଥିତିକୁ ମାପ।
ଅରୂପକୁ ଧର କବି, ଧର ଅରୂପ, ଧର ଅରୂପ।