ଜୀବନ ନାହିଁ No Life Poem by Gajanan Mishra

ତୁମେ ନାହଁ
ଗଜାନନ ମିଶ୍ର

ତୁମେ ନାହଁ
ନିଦ ନାହିଁ।
ନିଦ ନାହିଁ
ସ୍ୱପ୍ନ ନାହିଁ।
ସ୍ୱପ୍ନ ନାହିଁ
ଜୀବନ ନାହିଁ।

ପଚାରୁଛି
କଣ ଜୀବନ!
ଜୀବନ ଥିଲା
ଗଲା କେଉଁଆଡେ
ଠିକଠିକଣା ନାହିଁ।

ଠିକଠିକଣା ନାହିଁ
କିଏ କେଉଁଆଡୁ ଆସିଛି
କିଏ କେଉଁଆଡକୁ ଯାଉଛି।

କିଏ କେଉଁଆଡକୁ ଯାଉଛି
କଣ କରୁଛି କେତେବେଳେ
ପୁଣି ହେଉଛି କଣ ଜଣା ନାହିଁ।

ପୁଣି ହେଉଛି କଣ?
କିଏ ଜାଣିଛି?
କିଏ ଜାଣିଛି
କଣ ବଦଳିଛି!
କଣ ବଦଳିଛି
କହିବାକୁ କେହି ନାହିଁ।

କହିବାକୁ କେହି ନାହିଁ,
ଶୁଣିବାକୁ କେହି ନାହିଁ,
କେହି ନାହିଁ
କିଛି ନାହିଁ।

ତୁମେ ନାହଁ
ଫେଲ ମାରୁଛି ସବୁ ଅନୁଧ୍ଯାନ
ଫେଲ ମାରୁଛି ସବୁ ଅନୁମାନ ।
ତୁମେ ନାହଁ
ବନ୍ଦ ସବୁ କବିତା ଲିଖନ
ବନ୍ଦ ସବୁ କବିତା ପଠନ।
କବିତା ହିଁ ତ ଜୀବନ,
ତୁମେ ନାହଁ, ତୁମେ ନାହଁ।

ତପୋବନ, ଟିଟିଲାଗଡ, ବଲାଙ୍ଗିର
5/5/2019