ଜଣା ନାହିଁ ମତେnot Known To Me Poem by Gajanan Mishra

କୋଉଠି
ଗଜାନନ ମିଶ୍ର

ଟିକେ ପଳେଇଥିଲି ଆଗକୁ,
ଲବଙ୍ଗ ଦ୍ୱୀପକୁ।
ଆଉ ଟିକେ ଯାଇଥିଲି ଫେରି
ପଛକୁ, ଚନ୍ଦା ପାହାଡ ଉପରକୁ।
କଣ କଲି କୋଉଠି,
କେତେବେଳ ରହି
ଜଣା ସଭିଙ୍କୁ।

ପକ୍ଷୀକୁ ହୁରୁଡା ହେଲା ପରି
ନେଲେ ହୁରୁଡେଇ
ମତେ ମୋ ଜାଗାରୁ।
ଘୁଂଚିଲି କି ନ ଘୁଂଚିଲି
ବିଜୟପତାକା ଉଡାଇଲେ ସବୁ
ମୋ ଜାଗାରେ ରହି,
ଖାମୋଶ କରୁଥିଲାବେଳେ
ମୁଁ ମତେ।

ପଡିଲା ନି ଜଣା ବେଳ,
ଜମୁଥିଲା ସାଙ୍ଗମେଳ
ଭିନ୍ନପ୍ରକାରେ।
ମୁଁ କିଏ? ଏମିତି ପ୍ରଶ୍ନରେ
ନ ଥିଲା ଆଗ୍ରହ ଅନେକଙ୍କଠି।
ଯାହା ହେବାରଥିଲା
ହେଲା କି ନ ହେଲା
କିଏ ଜାଣିଛି!

ଫେରି ସାରିଥିଲି ମୁଁ,
କୋଉଠିକୁ? ପାରୁ ନି
କହି ଯାହା କାହାକୁ।
କରିପାରୁ ନି ବି ଅନୁରୋଧ
କାହାକୁ ରହ ଟିକିଏ।
ଥିଲି ଆଉ ରହିବି
ଏ କଥା ଜଣା ନାହିଁ ମତେ।

ତପୋବନ, ଟିଟିଲାଗଡ, ବଲାଙ୍ଗିର
8/10/2018