ପାଖରେ ଜୀବନ୍ତ ରକ୍ତମାଂସରେ ପଥର (Odia) Mother Poem by Gajanan Mishra

ସାରାଦିନ ମା ପାଖରେ,
ମାକୁ ଛାଡି ଯିବାର ନାହିଁ କୁଆଡେ କେବେ,
ମା ଅଛି ସାରାଦିନ ପାଖରେ ପାଖରେ ।

ମା ପାଖରେ ଏତେ ଶକ୍ତି କେମିତି,
ମା ପାଖରେ ଆଉ ଅଛି ଯାହାଯେତେ
ପାରିବ କି କହି କିଏ?

ମା କଣ ଭୋଗକରେ ଦୁଃଖ?

ମା କାନ୍ଦକୁ କିଏ ବୁଝେ?

ମା ନୁହେଁ କି କେନ୍ଦ୍ରରେ!

ମା କଥା କହିବାକୁ ମୁଁ କିଏ?

ସବୁ ଭାଷା ତ ମା ପାଇଁ,
ଆଉ ସବୁ ସବୁ ମା ବିନା କିଛି ନାଇଁ ।

ମୋଠି ଆଉ ନାଇଁ ଶବ୍ଦ,
ଅଛି ମା, ସବୁ ଶବ୍ଦର ବାହାରେ ।

ଡାକ ନ ଡାକ, ଆଉ କିଛି ଥାଉ ନ ଥାଉ,
ମା ହିଁ ଅଛି ଆଉ ଥିବ ବି
ପାଖରେ ଜୀବନ୍ତ ରକ୍ତମାଂସରେ ପଥର ।