କବିତାର ମାର୍ଗରେ On Poetry Way Poem by Gajanan Mishra

କବିତା ମାର୍ଗ
ଗଜାନନ ମିଶ୍ର

ହସିବାର ବଂଚିବାର
ମାର୍ଗ ହେଉଛି କବିତା।

କବିତା ହେଉଛି
ଦେହର ଶିରାପ୍ରଶିରା।
ବାୟୁହୀନ ଶବ୍ଦହୀନ
ଖୋଲାଦିଲର ପତିଆରା।

କବିତା ରଖିଛି ସାଇତି
ଭାଷାର ଉର୍ଦ୍ଧ୍ବରେ
ସବୁ ଆଶା ସବୁ ଭରସା।

ଛାଡିଦିଅ କବିତାକୁ
କବିତାଠି, ଆଉ ବଂଚିଯାଅ
ସମୟଠୁ ବାହାରି।

ଅନ୍ଧାରର ନ ଥାଏ ଭୂମିକା
ଥିଲେ କବିତା ପାଖରେ।

ବିଶ୍ବାସକୁ ନେଇ
ଯୋଉଠି ବି ହେଉ ଆନନ୍ଦରେ
ପହଁରା ଯାଇପାରେ
କବିତାର ସ୍ରୋତରେ
ସଦାସର୍ବଦା ରଙ୍ଗୀନ ଆଲୁଅରେ।

କବିତାର ମାର୍ଗରେ
ଚାଲିବା ଗୋଟେ କଳା।
କଳାକୁ ଧଳା ଆଉ
ହଳଦିଆ ସହିତ ରଥରେ
ବସାଇନେବା ଜୀବନ ଦାଣ୍ଡରେ
ଗୋଟେ ଖେଳା।

ହୁଅ ନା ପାଗଳା,
ଗତି ପରଖ
ନାଚୁଛି କଳା ଆଖିଡୋଳା।

ତପୋବନ, ଟିଟିଲାଗଡ, ବଲାଙ୍ଗିର
14/7/2019