ଥୁଆ ଦୁଆରେ (One Kosli Poem) Poem by Gajanan Mishra

ଓଡିଆ ବଲି ଜାନିକରି
କେନ୍ତାଦେଲେ ତଥାଗତଙ୍କୁ
ହିନ୍ଦିରେ ଚିଠି?
ଓଡିଆବଲି ଜାନିକରି ଓଡିଶାର ଲୋକମାନକୁ
କେନ୍ତା ଆମର ନବୀନବାବୁ ଜଉଛନ୍ ଇଂଲିସ ଭାଷୀ?
ଓଡିଆ ମହକିଲ ଜାନିକରି କେନ୍ତା ଆମର
ଓକିଲ ଆରୁ ବିଚାରପତି ବିଦେଶି ଇଂଲିସଥି
ଦଉଛନ୍ ଆଦେଶ ରାୟ ସବୁ?
ଓଡିଆ କାଜେ ଓଡିଶା ଜାନିକରି ଭି
ଅଫିସର ଅମଲାର ଖାତିର ନେଇଁ ଲୋକକୁ ।
ଜେନ ଭାଷାଥି ଜିଏ ଜାହାକେ ଜାହା ପାରୁଛେ
ଲେଖୁ ଆରୁ କହୁ, କିଏ ବୁଝୁ କିଏ ନେଇଁ ବୁଝୁ
ଦେଖବାର ନେଇଁ ନ କିଛୁ ।
ଗାଦି ଅଛେ ବଏଲେ ଅଛେ ଅଏନ ବାବୁ ।
ଭାଷା, ଆଇନ, ସମ୍ଵିଧାନ ଅଛନ ଜେନ
ଥଉନ ହେନ, ଜିଏ ଜାହାକେ
ଜେନ ଜେନ୍ତା ପାରଲା ଠକୁନ୍ ।
ଆମକେ ଭକୁଆ ଭଏଁରା ଅଧାଁ
ଅପାରୁ ଜେନ୍ ଜେନ୍ତା ଭବୁଛେ ଜେତେଦିନ ଭାବୁନ୍ ।
ଭୋଟବେଲକେ ଭୋଟଟେ ଦେଲେ ଟିପି
ଥୁଆ ଦୁଆରେ ଛାକେ ମଦ ଆରୁ ସିକାରତୁନ୍ ।