Owami Poem by freddy bhungane

Phela lo owami
Zwana kahle, ungngizwa kabi
ngithi lo owami
Hhayi wethu, owami
yimi ongumnini, owami

Usofa silahlane wami
isithandwa sam
ngimpiwe ngumdali
ngimpiwe ongabonwayo
uMvelinqangi uqobo lwakhe
yingkho ngithi mangimubheka
Ngivele ngiwe ngedolo phansi ngithi ngiyabonga Nkosi
Ngesipho esihle

Imbali yekhethelo Onobuhle wesizwe
Imbali enhle ehlobe isaqhakaza
Imbali engabuni futhi engasoze yabuna
Imbali ekhangayo nangephunga
Imbali emelana neziphepho
Imbali yami, yami ngedwa

Igugu lami
umama wabantwana bami
usofa silahlane wami
Hhayi ungididile
Ungihehile ngobuhle bakhe
ungaze ufunge ukuthi siyimali nomazibuthe
Phela ngivele ngaxhuma ngahlala
Ngabambelela unomuphelo
Kwanzima ukuhlukana
Ngazithola sengidansela isiginci sakhe

Usho ngamehlo ahlaba ayobhakuzisa isifuba
Kugobhoze impophoma zothando enhlizweni
Usho ngesmile esiqondisa imithambo yegazi endodeni
kuvuke imizwa yothando endodeni
Kugijime igazikuhle kwe Pirates ibhaxabula i-kaizer hiefs
Kuthambe amalunga omzimba
Kuphele ubuFan Dam, iphele nya inkani
Selinkenenezile izwi
Lisho kamtoti Lithi ngiyakuthanda Bhungane wami
Uzwe insizwaisho engathi iyosithela emgodini
Nami ngiyakuthanda sthandwa sami
Ngoba ungowami, nami ngingowakho
Sofa silahlane wami

F.T.BHUNGANE