Ang paghigugma ko sa imo nagabaton sang imo pagkatawo
bisan sino ka pa sang una
bisan ano ka pa subong
bisan paano ka pa mangin sa palaaboton
Ang paghigugma ko sa imo wala sang palaanggiran
indi mahambal
indi matungkad
indi masayran
And paghigugma ko sa imo sa kada adlaw bag-o
sa pag-abot sang bagyo
sa paglikop sang dulom
sa paghalok sang adlaw sa panit mo
Ang paghigugma ko sa imo napagkit sa akon paino-ino
kaangay sang dugo sa dughan
kaangay sang lawas sa tul-an
kaangay sang hangin nga ginakinahanglan
Ang paghigugma ko sa imo indi mapunggan
bisan sang nagligad
bisan subong
bisan asta sa kataposan.
imo pirmi.
(please take a moment to submit a comment)
This poem has not been translated into any other language yet.
I would like to translate this poem
nami ang mga tula mo