Unondirotawo here semarotero andinokurota.
Kana kuti unenge uchitorotawo zvaunorota pandinokurota.
Unondimbundirawo here muhope dzako,
Kana kuti dzako hope ndedzako.
Unondifungawo here pandinokufunga.
Kana kuti hautombondiyisi mune dzako pfungwa.
unombondibata bata wo here kuhope dzako
Kana kuti ndini ndinotorota ndichikubata bata.
Unotombondifukidzawo jira here ndirere.
Kana kuti unotorikwevera kwaunenge urere.
Wakambondikwenyawo pandavaviwa kuhope here.
Kana kuti unotokwenya inda dzakurumira kuhope.
Seyi uchirota vamwe, pandinokurota.
Uchasvikepiko nadzo dzekuhope Mota.
Zvawakati kwedu tinoswerero Bota.
Unodawo here ndifire Mugota
Inga zvese zvawareva handifungi, ndotota.
Ndatota ndototera iwe, usingandiroti.
Ndinotorota uchindipakurira NeMugoti.
Ndakurota ndoswera ndichingoti.
Unondirotawo here semarotero andinokurota.
Kana kuti unorota uchibatwa batwa.
Unotorota unavo vanogona kubata.
Musi wandichakurota uchibatwa batwa.
Samadomasi pamusika wepaMbare Zimbabwe.
Ndonongomuka kubva kuhope, ndorara nedivi.
Kana usingandiroti semarotero andinokurota
Ndiritewo pandinokurota Zimbabwe mudiwa.
This poem has not been translated into any other language yet.
I would like to translate this poem