Paraaye Ho Gaye Poem by Ahatisham Alam

Apna jinhe tha samjha aaj wo hi paraaye ho gaye
Khushi maankar tha chaha, par wo gham ke saaye ho gaye.

Kya kya na kiya unke liye, par badla aaj mil raha hai
Gham ki aag me dil jal chuka hai, aur ab gul-e-soz khil raha hai

Mit chuke hain sab sahaare aur raat ho chuki hai
Thak gai ye zindgaani himmat bhi kho chuki hai

Ab sath kiska dhoondhhe kaun hai ab hamara
Tufaan aa chuka hai milta nahi sahaara

Sabkuch mit gaya hai, doobi hamaari kashti
Jaan jaati kyu nahi hai, maut kyu hai mujhpe hnsti

Zindgi hamari kat jayegi, chalenge sath maut ka nibhane
Lagta hai jaise jayenge khushiyon ka taaj paane

Na raha agar jahaan me, to hoga na kuch yahaan kam
Chnd ashk gir padenge hongi kuch aankhen hi nam..
(Ahatisham Alam)