Pinoy - Ang Komyuter (Fun Poem) Poem by Masked lady

Ikaw ba ay Komyuter sa Maynila?
Sumasakay sa FX o Van kaya?
OO man o hindi, tula ko’y basahin mo
Tiyak ikaw ay matatawa
Sa mga eksena, makakarelate ka.

May mga pasaherong disiplina ay wala
Pag-upo limot nilang sila ay may kasama
Meron namang natutulog ng walang ingat
Kundi man malakas maghilik, dilat o kaya nakanganga.

Meron namang ubo ng ubo o kaya ay hihikab
Bibig di man lang maalalang takpan
Kaya’t bad breath, laway, at sakit nila
Ikinakalat sa sasakyan nasasalo ng kapwa.

Meron namang telepono pag nagring ay ubod lakas
Boses ganon din kapag sa phone ay may kausap
Isama ang lahat ng ito sa mainit na sasakyan,
Tiyak mainit na ulo mo bago ka pa makababa.




Masked Lady
12.19.09