Pinoy - Silang Mga May Big C Sa Pcmc (Phil Children’s Medical Center) Poem by Masked lady

Ano bang nangyayari sayo, puro ka reklamo,
Tila buhay mo’y walang nakakatuwa;
Parating binibilang kung anong wala,
Nakatingin sa biyaya ng iba.

Bakit ang mga batang may big C sa PCMC?
Nakukuhang sumaya, nagagawang ngumiti,
Di na maganda ang kalusugan, sa pera salat pa,
Sa charity at awa, lagi silang umaasa.

Ang ilan ang buhay ay may taning, reklamo sila’y wala
Kundi taimtim na panalangin at walang kamatayang pag-asa
Ikaw, ako, malakas, malusog, at may trabaho
Bakit ba tayo puro reklamo kung ano ang wala tayo?

Ang mga batang may big C sa PCMC,
Sana magaya natin ang kanilang pagngiti
Matutunan ang tunay na pag-asa
At bilangin ang ating mga biyaya.


Masked lady
Dec.21,2009