କବି ସେpoet He Is Poem by Gajanan Mishra

କବିଟା!
କବି ସେ,
ଗୁଣ୍ଡା ବଦମାସ
ମିଛୁଆ ଦଲାଲ
ହେବ କେମିତି!

ହାତେ ମାପି
ଚାଖଣ୍ଡେ ଚାଲିବା ବାଲା,
ସୂଚୀମାଚି ପରୀକ୍ଷା କରି
ଭିତରୁ ଶବ୍ଦ କାଢିବା ବାଲା,
କବି ସେ,
ପୂରାସମୟ କବି,
କାର୍ଯ୍ୟରେ କଥାରେ,
କରୁଛି ସଂଘର୍ଷ
ବଂଚିବା ପାଇଁ,
ରହିଛି ସ୍ନେହ ପ୍ରେମରେ।

ଯିବାକୁ ଦେଉଛି
ଯିବି ବୋଲି କହିବା ଲୋକକୁ,
ରହିବା ଲୋକକୁ
ରଖୁଛି ବାନ୍ଧି ଶ୍ରଦ୍ଧାରେ ସମ୍ମାନରେ।

କବି ସେ,
ଟିକିଏ ବର୍ଷା,
ଟିକିଏ ଖରାରେ
ଖେଳିବା ଲୋକ,
ପଡିଆ ସାରା
ବୁଲି ବୁଲି ଦେଖିବା ଲୋକ
ଦୂବ କଅଁଳିବାର ପ୍ରକ୍ରିୟା।

ରହୁଛି ଭୟଶୂନ୍ୟ,
କବି ସେ।
ଅଛି ଶାନ୍ତିରେ,
କବି ସେ।
ଯାଉଛି ଯୁଆଡେ,
ସେଇଟା ହୋଇ ଯାଉଛି ବାଟ।
କବି ସେ
କହୁଛି ଯୋଉଟା
ସେଇଟା ସତ, ବେଦ।

ଅସୂୟା ହେଲେ
କବି ପ୍ରତି,
ସେଇଠି ବିପଦ।