Psalm 100 Inna Patwa Poem by Erika Heslop Martin

Cum mek wi shout fi jawy to di Lawd!
Cum mek wi shout fi jawy to di Lawd!
Mek everybadi know seh yuh happi fi praize Him.
Serve Him like yuh glad bag full up, full up.
Cum in fronta Him an sing up, sing up.

Mek sure yuh know seh Gad a Gad.
A Him mek wi a no wi.
Wi belang to Him yuh si.
Cum tru Him gate an give tanks,
An inna Him yard wid praize.
Tank Him an bless up, bless up Him name,
Cauze him name gud up, gud up!

Him mercy cyaa dun an him trute jussa galang, galang soh!
Cum mek wi shout fi jawy to di Lawd!
Cum mek wi shout fi jawy to di Lawd!
Cauze him luv fi wi tun up, tun up!